Malpass je naglasio da će to biti glavni izazov za svijet u narednih pet godina.
“Kada se kamatne stope budu vratile na normalu, biće potrebno mnogo vremena kako bi se prilagodilo na nove cijene i alokaciju kapitala prije nego što se vratite na model za najširi i osnovni rast”, naveo je Malpass.
Pandemija i invazija
Kazao je takođe da se skoro cijeli svijet suočava s problemom nezaposlenosti i da su mnoge zemlje posljednjih godina krenule unazad kada je riječ o prosječnim prihodima, povećanju siromaštva, lošijem obrazovanju, zdravstvu, kao i po pitanju klimatskih promjena.
Malpass je naveo da je do toga došlo nakon pandemije COVID-19 i povećanja cijena poslije ruske invazije na Ukrajinu.
Malpass, koga je na funkciju čelnika Svjetske banke postavio bivši američki predsjednik Donald Trump, najavio je povlačenje sa tog mjesta 30. juna, iako mu mandat traje do aprila sljedeće godine. Našao se na udaru kritika i pao u nemilost Bijele kuće nakon komentara u kojima je negirao uticaj fosilnih goriva na klimatske promjene.
